楚人有鬻盾與矛者，譽之曰：「吾盾之堅，物莫能陷之。」以譽其矛曰：「吾矛之利，於物無不陷也。」或曰：「以子之矛陷子之盾，何如？」其人弗能應也。夫不可陷之盾與無不陷之矛，不可同世而立。
昨天晚上，本人一如以往，無所事事的去幫一位人兄補習
從家中步行至何文田的途中，在那條又長又斜的佛光街上一步一步的向上攀 +_+
咁呢，我行到咁上下呢就見到一個推住幾重野的婆婆都一步一步好辛苦咁上緊山wo
咁我當時就咁諗啦：【我係咪應該上前幫呢位婆婆呢？】
當然，我只係得個諗字啦~~~~~ 當我行到個婆婆身旁，我就淆底唔知點開口啦
原因係我唔知點解由細細個開始就覺得，D公公婆婆唔係幾鍾意人地幫佢地
可能係因為接受人地的幫忙好似好弱咁，好似好無自尊咁……雖然只係我的想法
所以我通常只係直行直過而已 今次都係咁
但係個婆婆睇落真係幾辛苦
所以我上山的過程中都一路去睇住個婆婆，真係得個睇字
當我經過個婆婆之後，都不時向後望，直到見到婆婆上到山，先放得下心頭大石。
我每次見到呢種事情都好矛盾，我應該如何是好呢？
幫，我又怕傷害左婆婆的心靈
唔幫，我又好似好衰仔，見到人地有需要都不施,予援手【雖然有一部份原因係淆底】
識我的人都知我係一個細心且極度留意身邊人的人，
見到人地有需要都會自覺地給予支援
但係，呢種特殊技能只適用於朋友，我認識同熟悉的人
因為我好自大的認為自己明白佢地，知道佢地心入面點諗
知道人地幾時需要幫忙又樂於接受，就好似人地心裡面條蟲咁
所以，最後我每次起街邊遇到有需要的人的時候
我都會有呢種忐忑不安且矛盾的心情 -_-" 完~！
